काठमाडौं । साताको अन्तिम कारोबार दिन सुनको मूल्य वृद्धि भएको छ । उक्त दिन नेपाली बजारमा छापावाला सुनको मूल्य प्रतितोला ९ सय रुपैयाँले वृद्धि भएको हो ।
अघिल्लो दिन ९९ हजार रुपैयाँ कारोबार भएको छापावाला सुन आज बढेर ९९ हजार ९ सय रुपैयाँ पुगेको छ ।
नेपाल सुनचाँदी व्यवसायी महासंघका अनुसार आजका लागि तेजावी सुनको मूल्य भने ९९ हजार ४ सय रुपैयाँ कायम भएको छ । बिहीवार तेजावी सुन ९८ हजार ५ सय रुपैयाँमा कारोबार भएको थियो ।
यस्तै, शुक्रबार चाँदीको मूल्य भने स्थिर रहेको छ । अघिल्लो दिन १ हजार ३८० रुपैयाँमा कारोबार भएको चाँदी आज पनि सोही मूल्यमा खरिदबिक्री हुने महासंघले जनाएको छ ।
वि.सं.२०७८ फागुन २० शुक्रवार १०:५५ मा प्रकाशित