काठमाडौं । आइतबार सुनको मूल्य १ लाख रुपैयाँ नाघेको छ । आज एकैदिन २ हजार रुपैयाँले भएको हो ।
अघिल्ला दिन अर्थात शुक्रबार प्रतितोला ९९ हजार ९ सय रुपैयाँमा कारोबार भएको सुन आज बढेर १ लाख १ हजार ९ सय रुपैयाँ पुगेको हो ।
नेपाल सुनचाँदी व्यवसायी महासंघका अनुसार आज तेजावी सुनको मूल्य भने १ लाख १ हजार ४ सय रुपैयाँ तोकिएको छ । तेजावी सुन शुक्रबार ९९ हजार ४ सय रुपैयाँमा कारोबार भएको थियो ।
यस्तै, साताको पहिलो कारोबार दिन चाँदीको मूल्य पनि वृद्धि भएको छ । आज चाँदीको मूल्य प्रतितोला ३५ रुपैयाँले वृृद्धि भई १ हजार ४१५ रुपैयाँ पुगेको छ । शुक्रबार भने १ हजार ३८० रुपैयाँमा कारोबार भएको थियो ।
वि.सं.२०७८ फागुन २२ आइतवार ११:१३ मा प्रकाशित