काठमाडौं । प्रभु बैंकले साढे १७ लाख कित्ता बढी संस्थापक सेयर बिक्री गर्ने भएको छ ।
बैंकले विभिन्न संस्थापक सेयरधनीहरुको नाममा रहेको १७ लाख ६२ हजार ९२४ कित्ता संस्थापक सेयर बिक्री गर्न लागेको हो ।
उक्त सेयर खरिदका लागि बैंकका विद्यमान संस्थापक सेयधरनीहरुले आवेदन दिन सक्नेछन् । उक्त सेयरको बिक्री मूल्य भने तोकिएको छैन ।
उक्त सेयर खरीद गर्न इच्छुक संस्थापकहरुले आजैका मितिले ३५ दिनभित्र नेपाल राष्ट्र बैंकले तोकेको मापदण्डको व्यवस्थालाई परिपालन गरेको प्रमाणित हुने कागजात सहित कम्पनीको केन्द्रीय कार्यालय, बबरमहल, काठमाडौंमा निवेदन पेश गर्नुपर्नेछ ।
तोकिएको उक्त म्यादभित्र सेयर खरीदका लागि कुनै पनि निवेदन नआएको खण्डमा प्रचलित कानून बमोजिम अन्य व्यक्ति संघ/संस्थालाई बिक्री प्रक्रिया अघि बढाईने बैंकले जनाएको छ।
वि.सं.२०७८ चैत २ बुधवार ११:३७ मा प्रकाशित
