काठमाडौं । नेपाली बजारमा छापावाला सुनको मूल्य ह्वात्तै बढेको छ । एक महिनाको अवधिमा छापावाला सुनको मूल्य तोलामा ८ हजार ३ सय रुपैयाँले महंगिएको हो ।
नेपाल सुनचाँदी व्यवसायी महासंघका अनुसार माघ मसान्तदेखि फागुन मसान्तसम्म आईपुग्दा सुनको मूल्य उक्त रकमले वृद्धि भएको हो ।
माघ मसान्तमा प्रतितोला ९४ हजार रुपैयाँमा कारोबार भएको सुन फागुन मसान्तसम्ममा भने बढेर १ लाख २ लाख ३ सय रुपैयाँ पुगेको छ ।
माघ मसान्तसम्म ९३ हजार ५ सय रुपैयाँ रहेको तेजावी सुनको भाउ पनि फागुन मसान्तसम्म १ लाख १ हजार ८ सय रुपैयाँ पुगेको छ ।
यस्तै, एक महिनाको अवधिमा चाँदीको मूल्य पनि वृद्धि भएको छ । माघ मसान्तदेखि फागुन मसान्तसम्ममा चाँदीको मूल्य प्रतितोला १३५ रुपैयाँले वृद्धि भएको हो ।
माघ मसान्तमा १ हजार २८० रुपैयाँमा कारोबार भएको चाँदी फागुन मसान्तसम्म आईपुग्दा १ हजार ४१५ रुपैयाँ पुगेको महासंघले जनाएको छ ।
वि.सं.२०७८ चैत २ बुधवार १३:३० मा प्रकाशित