काठमाडौं । बुधवार सेयर बजारमा दोहोरो अंकको गिरावट आएको छ । उक्त दिन बजार १९.६५ अंकले घटेको हो ।
साताको अन्तिम कारोबार दिन बजार परिसुचक २६३१.३२ अंकको बिन्दुमा पुगेर बन्द भएको छ । उक्त कारोबार रकममा पनि गिरावट आएको छ । आज २ अर्ब ५७ करोड ४ लाख १ हजार रुपैयाँ बराबरको सेयर कारोबार भएको हो ।
उक्त दिन सबैभन्दा बढी नेपाल टेलिकमको सेयर कारोबार भएको छ । आज कम्पनीको १६ करोड ३६ लाख १ हजार रुपैयाँ बराबरको सेयर खरिदबिक्री भएको छ । नेपाल स्टक एक्सचेञ्ज (नेप्से) का अनुसार आज कम्पनीको १ लाख ३ हजार ८२८ कित्ता सेयर किनबेच भएको हो ।
यस्तै, आज कारोबार रकमका आधारमा गरिमा विकास बैंक दोस्रो स्थानमा रहेको छ । बैंकको आज १२ करोड २४ लाख ४९ हजार रुपैयाँ बराबरको सेयर कारोबार भएको हो । उक्त दिन बैंकको २ लाख १७ हजार ४३० कित्ता सेयर खरिदबिक्री भएको नेप्सेले जनाएको छ ।
त्यसैगरि आज अपि पावर कम्पनीको पनि १० करोड ७८ लाख ९६ हजार रुपैयाँ बराबरको सेयर कारोबार भएको छ । आज कम्पनीको २ लाख २१ हजार ४८४ कित्ता सेयर किनबेच भएको हो ।
वि.सं.२०७८ चैत २ बुधवार १५:४० मा प्रकाशित
