काठमाडौं । बैंक अफ काठमाण्डूले ऋणपत्र निष्काशनका लागि बिक्री प्रबन्धक नियुक्ति गरेको छ ।
बैंकले १ हजार रुपैयाँ अंकित दरको १ अर्ब १० करोड रुपैयाँ बराबरको बिओके डिवेन्चर २०८६ (क) जारी गर्न एनआईबिएल एस क्यापिटललाई बिक्री प्रबन्धकको रुपमा नियुक्त गरेको हो ।
बिक्री प्रबन्धक नियुक्ति सम्झौतामा बैंक अफ काठमाण्डूको तर्फबाट प्रमुख कार्यकारी अधिकृत श्रवण लाल मास्के र एनआईबिएल एस क्यापिटल लिमिटेडको तर्फबाट नायब महाप्रबन्धक सचिन्द्र ढुङ्गानाले मिति हस्ताक्षर गर्नुभएको छ ।
उक्त ऋणपत्रको अवधि ७ वर्ष रहेको र ब्याजदर १०.५० प्रतिशत रहेको छ । काठमाडौंको कमलपोखरी स्थित मुख्य कार्यालय रहेका बैंक अफ काठमाण्डू कम्पनी ऐन बमोजिम नेपाल सरकार, कम्पनी रजिष्ट्रारको कार्यालयमा पब्लिक लिमिटेड कम्पनीको रुपमा दर्ता भएको हो ।
बैंक तत्कालिन बैंक अफ काठमाण्डू तथा लुम्बिनी बैंक एक आपसमा गाभिई बैंक तथा वित्तीय संस्था सम्बन्धी ऐन, २०७३ अनुसार २०७३ असार २४ गते नेपाल राष्ट्र बैंकबाट वित्तीय कारोवार गर्न स्वीकृति प्राप्त गरी “क” वर्गको वित्तीय संस्थाको हैसियतले बैंकिङ्ग कारोवार सञ्चालन गर्दै आएको छ ।
बैंकले ९९ शाखा, ८७ एटिएम र १० एक्सटेन्सन काउन्टरहरुका मार्फत ग्राहकहरुलाई उत्कृष्ट सेवा प्रदान गरिरहेको छ ।
वि.सं.२०७८ चैत २ बुधवार १७:५८ मा प्रकाशित
