काठमाडौं । नेपाल स्टक एक्सचेञ्ज (नेप्से)ले दुई वटा कम्पनीहरुको बोनस सेयरको मूल्य समायोजन गरेको छ ।
बुधवार नेप्सेले एनएलजी इन्स्योरेन्स र गरिमा विकास बैंकको सेयर मूल्य समायोजन गरेको हो । यी दुवै कम्पनीहरुले साधारण सभा तथा लाभांश वितरण प्रयोजनका लागि बुधवार बुक क्लोज गरेसंगै नेप्सेले सेयर मूल्य समायोजन गरेको हो ।
नेप्सेले एनएलजी इन्स्योरेन्सको १० प्रतिशत बोनस सेयरको मूल्य समायोजनपछि ७९९ रुपैयाँ ०९ पैसा तोकेको छ । कम्पनीको बुधवार कायम अन्तिम कारोबार मूल्य ८७९ रुपैयाँका आधारमा सेयर मूल्य समायोजन भएको हो ।
यस्तै, नेप्सेले गरिमा विकास बैंकको १६ प्रतिशत बोनस सेयरको मूल्य समायोजनपछि ४८१ रुपैयाँ ३ पैसा तोकेको छ । बैंकको बुधवार कायम अन्तिम कारोबार सेयर मूल्य ५५८ रुपैयाँको आधारमा समायोजन गरेको हो ।
वि.सं.२०७८ चैत २ बुधवार १७:५७ मा प्रकाशित