काठमाडौँ । आर्थिीक संकटको मुखमा रहेको बेला बैंकिङ्ग क्षेत्रमा अनिश्चितताका प्रतिबिम्बहरु तरंगहरु आईरहेका छन् ।
अघिल्लो साता यता वाणिज्य बैंकहरुले निक्षेपमा केही सुधार गरेपनि कर्जा विस्तारमा भने रोक लगाएका छन् ।
पछिल्लो साता र गत साता नै वाणिज्य बैंकहरुमा निक्षेपमा सामान्य सुधार देखिएको छ भने कर्जा विस्तारमा संकुचन देखिएको हो ।
गत साताको सुरुको तीन दिन भने निक्षेप र कर्जा विस्तार दुवैमा वृद्धि देखिएको थियो यद्यपी पछिल्लो चार दिनको निक्षेप तथा कर्जा परिचालनको अवस्था हेर्दा निक्षेप सुधारात्मक देखिएपनि कर्जा प्रवाहमा संकुचन आएको छ ।
अर्थात अघिल्लो साता (फागुन २७ गते) निक्षेप ४३ खर्ब २६ अर्ब रुपैयाँ कायम गरेका वाणिज्य बैंकहरुले फागुन ३० गतेसम्म आउँदा ४३ खर्ब ३३ अर्ब पुर्याएका थिए । यता कर्जा विस्तार ४१ अर्ब ६९ अर्ब कायम रहेकोमा फागुन ३० गतेसम्म यस्तो रकम ४१ खर्ब ७२ अर्ब पुगेको थियो ।
यद्यपी चैत चार गतेसम्म आउँदा निक्षेपमा समान्य वृद्धि भएर अघिल्लो हप्ताको तुलनामा बढेर यद्यपी फागुन मसान्तको तुलनामा घटेर ४३ खर्ब २८ खर्ब कायम भएको हो ।
त्यस्तै यता कर्जा प्रवाहमा भने अघिल्लो साताको भन्दा पनि तल्लो विन्दूमा पुगेको छ । अर्थात कर्जा विस्तार रकम ४१ खर्ब ६८ अर्ब कायम भएको छ ।
यता चालु आर्थिक वर्षको चैत महिना सुरु भएपछि बैंकहरुको कर्जा निक्षेप(सीडी) अनुपात ९१ प्रतिशत भन्दा माथि पुगेको छ । बैंकहरुमा नयाँ निक्षप थपिनुको सट्टा भएको पनि झिकिएपछि कर्जा निक्षेप अनुपातमा दवाब देखिएको हो ।
फागुन महिनामा केही निक्षेप थपिएपछि ९० प्रतिशतको हाराहारीमा आएको औसत कर्जा निक्षेप अनुपात पुनः सीमा भन्दा माथी पुगेको छ । नेपाल राष्ट्र बैंकका अनुसार कर्जा निक्षेप अनुपात ९० प्रतिशत भन्दा माथि जान हुदैन् । सो भन्दा माथि भएका बैंकहरुले आगामी असार मसान्तसम्ममा सो सीमा भित्र ल्याउनु पर्ने व्यवस्था छ ।
वि.सं.२०७८ चैत ६ आइतवार १९:३४ मा प्रकाशित
