काठमाडौं । प्रहरी प्रधान कार्यालय केन्द्रीय अनुसन्धान ब्युरो(सीआईवी)ले बैंकिङ्ग कसूर मुद्दामा फरार व्यक्तिलाई पक्राउ गरेको छ ।
प्रहरीले काठमाडौं जिल्ला कागेश्वरी मनहरा न.पा.वडा नं.२ गोकर्णेश्वर बस्ने बर्ष ३६ का नवराज धिमाललाई पक्राउ गरेको हो ।
उनले आफ्नो बैंक खातामा पर्याप्त रकम मौज्दात रकम नभएको भन्ने जानी जानी झुक्यानमा पारि प्राइम बैंक लिमिटेड,बागबजार, काठमाडौंको चेक दिएका थिए ।
धिमाललाई उच्च अदालत पाटनले गत असोज १८ गते बैंकिङ्ग कसूर तथा सजाय ऐन,२०६४ बमोजिम कसूरमा २० लाख रुपैयाँ जरिवाना र पाँच दिन कैद हुने ठहर गरेको थियो ।
अदालतको फैसला कार्यान्वयनका लागि केन्द्रीय अनुसन्धान ब्युरोले खोजतलासका क्रममा आज अर्थात चैत ६ गते गोकर्णेश्वर, काठमाडौंबाट पक्राउ गरेको हो ।
फैसला कार्यान्वयनका लागि उनलाई आजै जिल्ला अदालत ललितपुरमा पेश गरिएको प्रहरीले जनाएको छ ।
वि.सं.२०७८ चैत ६ आइतवार १७:०७ मा प्रकाशित