काठमाडौं । साल्ट ट्रेडिङ कर्पोरेशनले साधारण सभाका लागि मिति तय गरेको छ । कम्पनीले ५५औं वार्षिक साधारण सभा चैत ३० गते गर्ने भएको हो ।
कम्पनीको चैत ६ गते आइतबार बसेको संचालनक समितिको बैठकले उक्त दिन सभा गर्ने निर्णय गरेको हो । सभामा लाभांश पारित गर्ने मुख्य एजेण्डा रहेको छ ।
सभाले आर्थिक २०७७/७८ को नाफाबाट प्रस्तावित १० प्रतिशत बोनस सेयर र कर प्रयोजनका लागि ०.५० प्रतिशत नगद लाभांश वितरण गर्ने प्रस्ताव पारित गर्नेछ ।
सोही सभाले आव २०७८/७९ को लागि लेखापरिक्षकको नियुक्ती गर्ने प्रस्ताव पनि पारित गर्ने निजको पारिश्रमिक अनुमोदन गर्नेछ ।
उक्त साधारण सभा र लाभांश वितरण प्रयोजनको चैत १५ गते देखि ३० गते सम्म बुक क्लोज गर्ने जानकारी गराएको छ ।
वि.सं.२०७८ चैत ८ मंगलवार १४:०३ मा प्रकाशित