काठमाडौं । प्रहरी प्रधान कार्यालय केन्द्रीय अनुसन्धान ब्युरो(सीआईवी)ले बैंकिङ्ग कसूर मुद्दामा फरार व्यक्तिलाई पक्राउ गरेको छ ।
प्रहरीले मकवानपुर जिल्ला ,साबिक हेटौंडा न.पा. वडा नं.३ हाल काठमाडौं जिल्ला वडा नं.१७ क्षेत्रपाटी बस्ने बर्ष ३८ का रगुन खड्केलाई पक्राउ गरेको हो ।
उनले आफ्नो बैंक खातामा पर्याप्त रकम मौज्दात रकम नभएको भन्ने जानी जानी झुक्यानमा पारि महालक्ष्मी बिकास बैंक लिमिटेड,न्यूरोड काठमाडौंको चेक दिएका थिए ।
खड्केलाई उच्च अदालत पाटनले गत फागुन ९ गते बैंकिङ्ग कसूर तथा सजाय ऐन,२०६४ बमोजिम कसूरमा २० लाख रुपैयाँ जरिवाना र पाँच दिन कैद हुने ठहर गरेको थियो ।
अदालतको फैसला कार्यान्वयनका लागि केन्द्रीय अनुसन्धान ब्युरोले खोजतलासका क्रममा आज अर्थात चैत ९ गते भिमसेनगोला काठमाडौंबाट पक्राउ गरेको हो ।
फैसला कार्यान्वयनका लागि उनलाई आजै जिल्ला अदालत ललितपुरमा पेश गरिएको प्रहरीले जनाएको छ ।
वि.सं.२०७८ चैत ९ बुधवार १४:०७ मा प्रकाशित