काठमाडौं । बिहीवार नेपाली बजारमा सुनको मूल्य १ लाख रुपैयाँ नाघेको छ । उक्त दिन छापावाला सुनको मूल्य प्रतितोला १ हजार १ सय रुपैयाँले वृद्धि भएसंगै १ लाख कटेको हो ।
साताको पाँचौ कारोबार दिन छापवाला सुनको मूल्य १ लाख ३ सय रुपैयाँ कायम भएको नेपाल सुनचाँदी व्यवसायी महासंघले जनाएको छ । यो सुन बुधवार भने ९९ हजार २ सय रुपैयाँमा कारोबार भएको थियो ।
महासंघका अनुसार आजका लागि तेजावी सुनको मूल्य भने ९९ हजार ८ सय रुपैयाँ निर्धारण भएको छ । तेजावी सुन बुधवार ९८ हजार ७ सय रुपैयाँ खरिदबिक्री भएको थियो ।
यस्तै, उक्त दिन चाँद्यीको मूल्य पनि सामान्य वृद्धि भएको छ । आज चाँदी प्रतितोला ५ रुपैयाँले वृद्धि भई १ हजार ३७५ रुपैयाँ कायम भएको छ । अघिल्लो दिन भने १ हजार ३७० रुपैयाँमा खरिदबिक्री भएको थियो ।
वि.सं.२०७८ चैत १० बिहीवार ११:०३ मा प्रकाशित