काठमाडौं । राष्ट्र उत्थान लघुवित्त र नेष्डो समृद्धि लघुवित्त वित्तीय संस्थाको सेयर मूल्यमा उछाल आएको छ । बुधवार यी दुई कम्पनीको सेयर मूल्य उच्च दरमा वृद्धि भएको हो ।
साताको चौथो कारोबार दिन राष्ट्र उत्थान लघुवित्त वित्तीय संस्थाको सेयर मूल्य पनि ९.९९ प्रतिशतले वृद्धि भएको छ । आज कम्पनीको सेयर मूल्य प्रतिकित्ता १०९ रुपैयाँले बढेर १ हजार १९९ रुपैयाँ ६० पैसा पुगेको छ ।
नेपाल स्टक एक्सचेञ्ज (नेप्से) का अनुसार आज कम्पनीको १ लाख ५ हजार रुपैयाँ बराबरको ९० कित्ता मात्रै सेयर खरिदबिक्री भएको नेप्सेले जनाएको छ ।
यस्तै, आज नेष्डो समृद्धि लघुवित्त वित्तीय संस्थाको सेयर मूल्य पनि ९.९९ प्रतिशतले वृद्धि भएको छ । उक्त दिन कम्पनीको सेयर मूल्य प्रतिकित्ता ८७ रुपैयाँ २० पैसाले वृद्धि भएको हो । योसंगै कम्पनीको सेयर मूल्य ९५९ रुपैयाँ ८० पैसा कायम भएको छ ।
आज कम्पनीको १ लाख ३ हजार रुपैयाँ बराबरको सेयर कारोबार भएको छ । उक्त दिन कम्पनीको ११२ कित्ता मात्रै सेयर खरिदबिक्री भएको हो ।
वि.सं.२०७८ चैत १६ बुधवार १६:१० मा प्रकाशित
