काठमाडौं । नेपाल स्टक एक्सचेञ्ज (नेप्से) मा यस साता आधा दर्जन कम्पनीको बोनस सेयर सूचीकृत भएको छ ।
नेप्सेमा यस साता ७ कम्पनीको ५ करोड ७४ लाख ६३ हजार कित्ता बोनस सेयर सूचीकृत भएको हो ।
नेशनल माइक्रोफाइनान्स, आरएमडीसी लघुवित्त वित्तीय संस्था, स्वाभिमान लघुवित्त, एक्सेल डेभलपमेन्ट बैंक, नबिल बैंक, सबैको लघुवित्त, एशियन लाइफ इन्स्योरेन्स कम्पनीको बोनस सेयर सूचीकृत भएको हो ।
जसमध्ये नेशनल माइक्रोफाइनान्सको ४० प्रतिशत बापतको १६ लाख ७६ हजार २१४.२१ कित्ता बोनस सेयर नेप्सेमा सूचीकृत भएको हो ।
नेप्सेमा आरएमडीसी लघुवित्त वित्तीय संस्थाको २० प्रतिशत बापतको २० लाख ६८ हजार ४४३.८८ कित्ता, स्वाभिमान लघुवित्तको २ लाख ९७ हजार ३२१.५० कित्ता, एक्सेल डेभलपमेन्ट बैंकको ९ लाख ७३ हजार ३४५.४६९७ कित्ता, नबिल बैंकको ४ करोड ६५ लाख १७ हजार ३५५.८९ कित्ता बोनस सेयर सूचीकृत भएको छ ।
यस्तै, नेप्सेमा यस साता सबैको लघुवित्तको ३१.०५ प्रतिशत बोनस बापतको ६ लाख ३९ हजार ७२७.५० कित्ता र एशियन लाइफ इन्स्योरेन्सको २५ प्रतिशत बोनस बापतको ५२ लाख ९० हजार ७४२.७२ कित्ता सेयर सूचीकृत भएको छ ।
वि.सं.२०७८ चैत १७ बिहीवार १६:३८ मा प्रकाशित