काठमाडौं । भोलि अर्थात चैत १९ गतेदेखि वोमी लघुवित्त वित्तीय संस्था र सूर्योदय लघुवित्त वित्तीय संस्थाले एकीकृत कारोबार गर्ने भएका छन् ।
यी दुवै कम्पनीहरु एकआपसमा गाभिएपछि सूर्योदय वोमी लघुवित्त वित्तीय संस्थाको नामबाट चैत १९ गतेदेखि एकीकृत कारोबार सुरु हुने भएको हो ।
एकीकृत कारोबारका लागि नेपाल राष्ट्र बैंक र कम्पनी रजिष्ट्रारको कार्यालयले स्वीकृति दिए थियो । दुवै कम्पनीको गत पुस १६ गते सम्पन्न छुट्टाछुट्टै वार्षिक साधारण सभाले मर्जर सम्बन्धी प्रस्ताव पारित गरेको थियो ।
यी दुई कम्पनी १ बराबर १ सेयर आदानप्रदान गर्ने गरी मर्जरमा गएका हुन् । अब कम्पनीको रजिष्टर्ड कार्यालय बनेपा नगरपालिका–१३, साँगामा रहने छ ।
वि.सं.२०७८ चैत १८ शुक्रवार १३:११ मा प्रकाशित