काठमाडौं । साताको पहिलो कारोबार दिन पनि सेयर बजारमा गिरावट आएको छ । आइतबार बजार ३०.८९ अंकले घटेको हो ।
उक्त दिन बजार परिसुचक २५१३.४१ अंकको बिन्दुमा पुगेर बन्द भएको छ । उक्त दिन सबै समूहहरु राताम्मे बनेका छन् ।
आज कारोबार रकममा पनि गिरावट देखिएको छ । उक्त दिन १ अर्ब ४६ करोड ७ लाख ७३ हजार रुपैयाँ बराबरको सेयर खरिदबिक्री भएको हो ।
उक्त दिन दुई इन्स्योरेन्स कम्पनीको सर्वाधिक सेयर कारोबार भएको छ । आइतबार सूर्या लाइफ इन्स्योरेन्स र सिद्धार्थ इन्स्योरेन्स कम्पनीको सर्वाधिक सेयर खरिदबिक्री भएको हो ।
नेपाल स्टक एक्सचेञ्ज (नेप्से) का अनुसार आज सूर्या लाइफको ९ करोड ७३ लाख ५१ हजार रुपैयाँ बराबरको सेयर कारोबार भएको छ । कम्पनीको आज १ लाख ३७ हजार ८६९ कित्ता सेयर किनबेच भएको हो । कम्पनीको सेयर मूल्य भने प्रतिकित्ता ७ सय रुपैयाँ कायम भएको छ ।
यस्तै, उक्त दिन सिद्धार्थ इन्स्योरेन्सको ५ करोड १ लाख २९ हजार रुपैयाँ बराबरको सेयर कारोबार भएको नेप्सेले जनाएको छ ।
कम्पनीको आज ५३ हजार ५४७ कित्ता सेयर खरिदबिक्री भएको हो । कम्पनीको सेयर मूल्य आज भने प्रतिकित्ता ९०६ रुपैयाँ कायम भएको छ ।
वि.सं.२०७८ चैत २० आइतवार १६:०७ मा प्रकाशित
