काठमाडौं । थप दुई कम्पनीहरुले सम्वन्धित सेयरधनीहरुको हितग्राही खातामा बोनस सेयर जम्मा गरिदिएका छन् ।
ग्लोबल आइएमई लघुवित्त वित्तीय संस्था र नेशनल माइक्रोफाइनान्स कम्पनीले सेयरधनीहरुको हितग्राही खातामा बोनस सेयर जम्मा गरिदिएका हुन् ।
ग्लोबल आइएमई लघुवित्तले गत मंसिर २८ गते सम्पन्न नवौं वार्षिक साधारण सभाबाट पारित गरेको २८ प्रतिशत बोनस सेयर धितोपत्र दोस्रो बजारमा सूचीकृत भइसकेको जानकारी गराउँदै उक्त बोनस बापतको कर रकम जम्मा गर्न आग्रह गरेको छ ।
साविक स्पर्स लघुवित्त वित्तीय संस्था र यस कम्पनी मर्ज भई २०७८ साल वैशाख २८ गतेदेखि एकीकृत कारोबार शुरु गरे पश्चात सेयर खरीद गरेका सेयरधनीको हकमा कर लाग्ने र सो कर बापतको रकम सेयरधनी स्वयमले तिर्नुपर्ने कम्पनीले जनाएको छ ।
म्पनीले आर्थिक वर्ष २०७७/७८ को मुनाफाबाट वितरण गरेको उक्त बोनस सेयर प्रयोजनका लागि लाग्ने कर बापतको रकम एकीकृत कारोबार पश्चात सेयर खरीद गरेकाहरुको हकमा मात्र लागू हुने जनाएको छ ।
यस्तै, नेशनल माइक्रोफाइनान्स लघुवित्त यस वर्षका लागि वितरण गर्ने निर्णय गरेको ४० प्रतिशत बोनस सेयर सम्बन्धित सेयरधनीहरुको हितग्राही खातामा पठाउन सुरु गरेको छ ।
कम्पनीले गत माघ ६ गते सम्पन्न आठौं वार्षिक साधारण सभाबाट पारित गरेको उक्त बोनस सेयर धितोपत्र दोस्रो बजारमा सूचीकृत गराएपश्चात सम्बन्धित शेयरधनीहरुको खातामा जम्मा गर्न थालेको हो ।
पुस २६ गतेसम्म सेयर अभौतिकीकरण गराएका सदस्यहरुको हकमा बोनस सेयर जम्मा गरिसकेको र त्यस पश्चात अभौतिकीकरण गराएकाको हकमा क्रमशः उक्त बोनस जम्मा गर्दै जाने कम्पनीले बताएको छ ।
वि.सं.२०७८ चैत २४ बिहीवार ११:५६ मा प्रकाशित
