काठमाडौं । सोमबार सुनको मूल्यमा सामान्य गिरावट आएको छ । उक्त दिन नेपाली बजारमा छापावाला सुनको मूल्य तोलामा २ सय रुपैयाँले घटेको हो ।
साताको पहिलो कारोबार दिन अर्थात आइतबार १ लाख ३ सय रुपैयाँमा खरिदबिक्री भएको सुन आज घटेर १ लाख १ सय रुपैयाँ कायम भएको छ ।
नेपाल सुनचाँदी व्यवसायी महासंघले आजका लागि तेजावी सुनको मूल्य भने ९९ हजार ६ सय रुपैयाँ तोकेको छ । अघिल्लो दिन यो सुन ९९ हजार ८ सय रुपैयाँमा खरिदबिक्री भएको थियो ।
साताको दोस्रो कारोबार दिन चाँदीको मूल्य भने स्थिर रहेको छ । अघिल्लो दिन तोलामा १ हजार ३६५ रुपैयाँमा कारोबार भएको चाँदी आज पनि सोही मूल्य कायम भएको हो ।
वि.सं.२०७८ चैत २८ सोमवार १०:४२ मा प्रकाशित
