काठमाडौं । नेपाल फाइनान्स लिमिटेडले वार्षिक साधारण सभाका लागि मिति तय गरेको छ । कम्पनीको २९औं वार्षिक साधारण सभा आउँदो बैशाख ३ गते हुने भएको हो ।
कम्पनीको गत चैत ९ गते बसेको संचालक समितिको ३५२औं बैठकले उक्त दिन सभा गर्ने निर्णय गरेको हो ।
सभामा संस्थाले अन्य कुनै उपयुक्त बैंक तथा वित्तीय संस्था एक आपसमा गाभ्ने/गाभिने तथा प्राप्ति गर्ने सम्वन्धमा चल–अचल सम्पत्ति र दायित्व तथा कारोबार मुल्याङ्कन गर्न मान्यता प्राप्त मूल्याङ्कनकर्ता नियुक्ति गरि निजको पारिश्रमिक तोक्ने, मर्जर तथा एक्विजिशन गर्ने समझदारीपत्र तर्जुमा गर्ने, हस्ताक्षर, अन्तिम सम्झौता तयार पार्ने लगायतका आवश्यक सम्पूर्ण पक्रिया पुरा गर्न संचालक समितिलाई अख्तियारी प्रदान गर्ने विशेष प्रस्ताव रहेको छ ।
कम्पनीको सभाले संचालक समितिको समग्र वार्षिक प्रतिवेदन उपर छलफल गरि पारित गर्नेछ, आर्थिक वर्ष २०७८÷७९ को लागि लेखारीक्षकको नियुक्ति र निजको पारिश्रमिक तोक्ने छ ।
संस्थाको नियमावली अनुसार संस्थापक सेयरधनीहरुको तर्फबाट संचालक समितिमा प्रतिनिधित्व गर्ने संचालक पद ४ र सर्वसाधारण सेयरधनीहरुको तर्फबाट १ जनाको निर्वाचन गर्नेछ ।
वि.सं.२०७८ चैत २८ सोमवार १२:२८ मा प्रकाशित