काठमाडौं। नेपाल लाइफ इन्स्यारेन्स कम्पनी लिमिटेडले संस्थापक सेयर बिक्री गर्ने भएको छ। इन्स्योरेन्स कम्पनीले दुई संस्थापक सेयरधनीको नाममा रहेको करिब ६ लाख कित्ता सेयर बिक्री गर्ने भएको हो।
कम्पनीले अनन्तकुमार गोल्याण र सुभाष संघईको नाममा रहेको ५ लाख ९८ हजार ३२१ कित्ता संस्थापक सेयर बिक्री गर्ने भएको हो।
गोल्याणले ५ लाख ९७ हजार ९२१ कित्ता र संघइले ४०० कित्ता संस्थापक सेयर बिक्री गर्न लागेका हुन्।
बिक्री खुलाइएको संस्थापक सेयरमा कायम संस्थापक सेयरधनीहरुले मात्र खरिद आवेदन दिन पाउने छन्। तर तोकिएको अवधिभित्र संस्थापक सेयरधनीहरुभित्रै सबै सेयर खरिद नभए अन्य सेयरधनी तथा सर्वसाधारणले पनि आवेदन दिन पाउने कम्पनीले जनाएको छ।
वि.सं.२०७९ वैशाख ७ बुधवार १२:१९ मा प्रकाशित