काठमाडौं । तीन कम्पनीहरुको सेयर मूल्यमा उछाल आएको छ । यति बेला २ जलविद्युत कम्पनीसहित तीन कम्पनीहरुको सेयर मूल्य उच्च दरमा वृद्धि भएको हो ।
यो समाचार तयार गर्ने बेलासम्म ग्रीन भेन्चर्स कम्पनीको सेयर मूल्य ९.९८ प्रतिशत अर्थात प्रतिकित्ता ३६ रुपैयाँले वृद्धि भएको छ । योसंगै कम्पनीको सेयर मूल्य ३९६ रुपैयाँ ८० पैसा कायम भएको छ ।
यति बेला बेष्ट फाइनान्स कम्पनीको सेयर मूल्य पनि ९.९७ प्रतिशतले वृद्धि भएको छ । कम्पनीको सेयर मूल्य प्रतिकित्ता ३७ रुपैयाँले बढेर ४०८ रुपैयाँ कायम भएको छ ।
यस्तै, यति बेला माउन्टेन हाइड्रो नेपालको सेयर मूल्य पनि उच्च दरमा वृद्धि भएको छ । कम्पनीको सेयर मूल्य ९.४७ प्रतिशत अर्थात प्रतिकित्ता ३२ रुपैयाँले बढेर ३७० रुपैयाँ कायम भएको छ ।
वि.सं.२०७९ वैशाख ११ आइतवार १३:३६ मा प्रकाशित
