काठमाडौं । बुधवार पनि सुनको भाउ ओरालो लागेको छ । उक्त दिन नेपाली बजारमा छापावाला सुनको मूल्य तोलामा ३ सय रुपैयाँले घटेको हो ।
अघिल्लो दिन प्रतितोला ९९ हजार ३ सय रुपैयाँमा कारोबार भएको सुन आज घटेर ९९ हजार रुपैयाँ कायम भएको छ ।
नेपाल सुनचाँदी व्यवसायी महासंघका अनुसार आजका लागि तेजावी सुनको मूल्य भने ९८ हजार ५ सय रुपैयाँ तोकिएको छ । मंगलबार यो सुन ९८ हजार ८ सय रुपैयाँ कारोबार भएको थियो ।
यस्तै, साताको चौथो कारोबार दिन चाँदीको मूल्यमा पनि गिरावट आएको छ । उक्त दिन चाँदी तोलामा १० रुपैयाँले घटेर १ हजार ३४० रुपैयाँ कायम भएको छ । अघिल्लो दिन भने चाँदी १ हजार ३५० रुपैयाँमा खरिदबिक्री भएको थियो ।
वि.सं.२०७९ वैशाख १४ बुधवार १०:५५ मा प्रकाशित
