काठमाडौं । नेपाल फाइनान्सले बुक क्लोजका लागि मिति तय गरेको छ ।
कम्पनीले ७० प्रतिशत हकप्रद सेयर प्रयोजनका लागि वैशाख २१ गते (एक दिन) बुक क्लोज गर्ने भएको हो ।
बुक क्लोजको आधारमा वैशाख २० गतेसम्म कायम सेयरधनीहरुले मात्र कम्पनीको हकप्रद सेयर खरीदका लागि आवेदन दिन पाउनेछन् ।
कम्पनीले हकप्रद निष्कासनको मिति भने तय गरेको छैन । कम्पनीले १ बराबर शून्य दशमलव ७० अनुपातमा हकप्रद सेयर जारी गर्न लागेको हो ।
कम्पनीले १ सय रुपैयाँ अंकित दरको ३४ करोड ५४ लाख ४७ हजार ४२८ रुपैयाँ बराबरको ३४ लाख ५४ हजार ४७४.२८ कित्ता हकप्रद सेयर निष्कासन गर्ने भएको हो ।
कम्पनीलाई चैत ८ गते नयामक निकाय नेपाल धितोपत्र बोर्डले हकप्रद सेयर निष्काशनको अनुमति दिइसकेको छ ।
वि.सं.२०७९ वैशाख १४ बुधवार १०:३० मा प्रकाशित