काठमाडौं । प्राइम कमर्सियल बैंकको ऋणपत्र बाँडफाँड सम्पन्न भएको छ ।
बैंकले चैत १६ गतेदेखि ३० गतेसम्म बिक्री खुला गरेको ऋणपत्र बाँडफाँड भएको हो । बैंकले ‘१० प्रतिशत प्राइम डिबेन्चर २०८८’ नामको ऋणपत्र निष्कासन गरेको हो ।
बैंकले १० वर्षे अवधिको प्रतिकित्ता १ हजार रुपैयाँ अंकित मूल्यका २ अर्ब ५० करोड रुपैयाँ बराबरको २५ लाख कित्ता ऋणपत्र बाँडफाँट गरेको हो ।
कुल कित्ता ऋणपत्रमध्ये बैंकले १ अर्ब ५० करोड बराबरको १५ लाख कित्ता व्यक्तिगत तवरबाट र १ अर्ब बराबरको १० लाख कित्तामध्ये सामूहिक लगानी कोषका लागि ५० हजार कित्ता छुट्याई बाँकी ऋणपत्र सार्वजनिक निष्कासन मार्फत विक्री गरेको थियो ।
ऋणपत्र निष्कासन तथा विक्री प्रबन्धक आरबिबि मर्चेन्ट बैंकिङ्ग लिमिटेड रहेको छ ।
वि.सं.२०७९ वैशाख १४ बुधवार ११:५० मा प्रकाशित
