काठमाडौं । मेरो माइक्रोफाइनान्स लघुवित्त वित्तीय संस्थाले चालु आर्थिक वर्ष २०७८/७९ को तेस्रो त्रैमासिक वित्तीय विवरण सार्वजनिक गरेको छ ।
चालु आवको तेस्रो त्रैमासमा कम्पनीले ३४ करोड १५ लाख ७४ हजार रुपैयाँ नाफा कमाएको छ ।जुन गत वर्षको सोही अवधिको तुलनामा १५.२० प्रतिशतले बढी हो । गत वर्षको तेस्रो त्रैमासमा कम्पनीले २९ करोड ६५ लाख ९ हजार रुपैयाँ नाफा गरेको थियो ।
उक्त अवधिमा कम्पनीको खुद ब्याज आम्दानी पनि ४१.६० प्रतिशतले वृद्धि भई ८० करोड ९१ लाख ५१ हजार रुपैयाँ पुगेको छ । गत वर्षको चैत मसान्तसम्ममा कम्पनीको यो आम्दानी ५७ करोड १४ लाख ३८ हजार रुपैयाँ रहेको थियो ।
कम्पनीको चुक्ता पुँजी १ अर्ब २० करोड रुपैयाँ रहेको छ । कम्पनीले जगेडा तथा कोषमा भने ७२ करोड ४९ लाख १२ हजार रुपैयाँ राखेको छ ।
उक्त अवधिमा कम्पनीको खराब कर्जा भने वृद्धि भएको छ । गत वर्षको चैत मसान्तसम्ममा २.१८ प्रतिशत रहेको खराब कर्जा यस वर्षको सोही अवधिमा भने बढेर ३.८८ प्रतिशत पुगेको छ ।
कम्पनीको प्रतिसेयर आम्दानी पनि १ रुपैयाँ ५८ पैसाले घटेर ३७ रुपैयाँ ९५ पैसा कायम भएको छ । प्रतिसेयर नेटवर्थ भने १६० रुपैयाा ४१ पैसा रहेको छ ।
वि.सं.२०७९ वैशाख १५ बिहीवार १४:४६ मा प्रकाशित