काठमाडौं । चन्द्रागिरी हिल्सले चालु आर्थिक वर्ष २०७८/७९ को तेस्रो त्रैमासिक वित्तीय विवरण सार्वजनिक गरेको छ ।
चालु आवको तेस्रो त्रैमाससम्म आईपुग्दा कम्पनी अझै २ करोड ९४ लाख रुपैयाँ नोक्सानीमा रहेको छ । तर, गत वर्षको सोही अवधिको तुलनामा भने कम्पनीको नोक्सानी ह्वात्तै घटेको हो । गत वर्षको चैत मसान्तसम्ममा कम्पनी १८ करोड ११ लाख २० हजार रुपैयाँ नोक्सानीमा रहेको थियो ।
चालु आवको चैत मसान्तसम्ममा कम्पनीको संचालन आम्दानी १४१.२६ प्रतिशतले बढेर ४२ करोड ३ लाख १८ हजार रुपैयाँ पुगेको छ ।
कम्पनीको यो आम्दानी गत वर्षको सोही अवधिमा भने १७ करोड ४२ लाख २० हजार रुपैयाँ रहेको थियो । कम्पनीको संचालन आम्दानी वृद्धि भएकाले नोक्सानी घटेको हो ।
कम्पनीको चुक्ता पुँजी १ अर्ब ५३ करोड ४० लाख ९१ हजार रुपैयाँ रहेको छ । कम्पनीको जगेडा तथा कोष भने ४४ करोड ९४ लाख १४ हजार रुपैयाँ ऋणात्मक देखिएको छ ।
कम्पनीको प्रतिसेयर आम्दानी २ रुपैयाँ ५६ पैसा ऋणात्मक रहेको छ भने प्रतिसेयर नेटवर्थ ७० रुपैयाँ ७ सय पैसा रहेको छ ।
वि.सं.२०७९ वैशाख १६ शुक्रवार १०:२७ मा प्रकाशित
