![सस्तियो फेरि सुनचाँदीको भाउ, आज प्रतितोला कतिमा हुँदैछ कारोबार ? सस्तियो फेरि सुनचाँदीको भाउ, आज प्रतितोला कतिमा हुँदैछ कारोबार ?](https://www.arthatantra.com/wp-content/uploads/2020/07/gold-bras-suna-.jpg)
काठमाडौं । सोमबार सुनको भाउ सस्तिएको छ । साताको दोस्रो कारोबार दिन नेपाली बजारमा छापावाला सुनको मूल्य तोलामा ८ सय रुपैयाँले घटेको हो ।
अघिल्लो दिन अर्थात आइतबार छापावाला सुन ९९ हजार रुपैयाँ कारोबार भएको थियो । तर, आज घटेर ९८ हजार २ सय रुपैयाँ कायम भएको छ ।
नेपाल सुनचाँदी व्यवसायी महासंघका अनुसार आजका लागि तेजावी सुनको मूल्य भने ९७ हजार ७ सय रुपैयाँ तोकिएको छ । तेजावी सुन आइतबार ९८ हजार ५ सय रुपैयाँ खरिदबिक्री भएको थियो ।
यस्तै, उक्त दिन चाँदीको मूल्यमा पनि गिरावट आएको छ । आज चाँदी तोलामा १० रुपैयाँ घटेर १ हजार २९० रुपैयाँ कायम भएको छ । अघिल्लो दिन भने चाँदी १ हजार ३ सय रुपैयाँमा खरिदबिक्री भएको थियो ।
वि.सं.२०७९ वैशाख १९ सोमवार १०:४१ मा प्रकाशित