काठमाडौं । आजदेखि सेञ्चुरी कमर्सियल बैंकको ऋणपत्र निष्काशन तथा बिक्री खुला भएको छ ।
बैंकले १० वर्षे अवधिको वार्षिक साढे १० प्रतिशत ब्याजदर ‘१०.५० प्रतिशत सेञ्चुरी डिबेन्चर २०८८’ नामको ऋणपत्र निष्काशन गरेको हो ।
बैंकले प्रतिकित्ता १ हजार रुपैयाँ अंकित मूल्यका २ अर्ब २० करोड बराबरको २२ लाख कित्ता ऋणपत्र निष्काशन गर्न लागेको हो ।
जसमध्ये ८८ करोड बराबरको ८ लाख ८० हजार कित्ता सर्वसाधारणलाई बिक्री गरिनेछ भने बाँकी १ अर्ब ३२ करोड रुपैयाँ बराबरको १३ लाख २० हजार कित्ता व्यक्तिगत तवरबाट विभिन्न संघ/संस्थाहरुमा बिक्री गरिनेछ र १० हजार कित्ता सामूहिक लगानी कोषका लागि छुट्याइएको छ ।
उक्त ऋणपत्र छिटोमा वैशाख २५ गते र ढिलोमा अवधि जेठ ४ गतेसम्म आवेदन दिन सक्नेछन् । उक्त ऋणपत्रमा २५ कित्तादेखि अधिकतम ८ लाख ७० हजार कित्ताका लागि आवेदन दिन सकिने व्यवस्था छ ।
कम्पनीको ऋणपत्र निष्काशन तथा बिक्री प्रबन्धक ग्लोबल आइएमई क्यापिटल लिमिटेड रहेको छ ।
वि.सं.२०७९ वैशाख २१ बुधवार ११:१७ मा प्रकाशित
