काठमाडौं । महिला लघुवित्त वित्तीय संस्थाले चालु आर्थिक वर्ष २०७८/७९ को तेस्रो त्रैमासिक वित्तीय विवरण सार्वजनिक गरेको छ ।
चालु आवको तेस्रो त्रैमासमा कम्पनीको कम्पनीले १० करोड २६ हजार रुपैयाँ नाफा कमाएको छ । जुन गत वर्षको सोही अवधिको तुलनामा भने ५५.७० प्रतिशतले बढी हो । गत वर्षको चैत मसान्तसम्ममा कम्पनीले ६ कराड ४२ लाख ४३ हजार रुपैयाँ नाफा गरेको थियो ।
उक्त अवधिमा कम्पनीको खुद ब्याज आम्दानी पनि २८.८५ प्रतिशतले बढेर २० करोड ६८ लाख ९ हजार रुपैयाँ पुगेको छ । गत वर्षको चैत मसान्तसम्ममा कम्पनीको यो आम्दानी १६ करोड ५ लाख ६ हजार रुपैयाँ रहेको थियो ।
चालु आवको नौ महिनामा कम्पनीको संचालन मुनाफामा भने ४८.१४ प्रतिशतले घटेर ४ करोड १० लाख ९४ हजार रुपैयाँ कायम भएको छ ।
कम्पनीको चुक्ता पुँजी १४ करोड ७५ लाख रुपैयाँ रहेको छ । कम्पनीले जगेडा तथा कोषमा भने २५ करोड ७९ हजार रुपैयाँ राखेको छ ।
उक्त अवधिमा कम्पनीको खराब कर्जा पनि भने ०.७२ प्रतिशतले वृद्धि भई २.९७ प्रतिशत पुगेको छ । कम्पनीको प्रतिसेयर आम्दानी ४ रुपैयाँ ७६ पैसाले बढेर ९० रुपैयाँ ४२ पैसा पुगेको छ । कम्पनीको प्रतिसेयर नेटवर्थ भने २६९ रुपैयाँ ५५ रुपैयाँ रहेको छ ।
वि.सं.२०७९ वैशाख २१ बुधवार ११:३८ मा प्रकाशित