काठमाडौं । यति बेला दुई लघुवित्त वित्तीय कम्पनीको आईपीओ नेपाल स्टक एक्सचेञ्ज (नेप्से)मा सूचीकरणको प्रक्रियामा रहेको छ ।
छुट्टाछुट्टै मितिमा सर्वसाधारणका लागि जारी गरेको आईपीओ नेप्सेमा सूचीकरणको प्रक्रियामा रहेका हुन् ।
आईपीओ जारी गरि बाँडफाँड समेत सम्पन्न गरेका उपकार लघुवित्त वित्तीय संस्था र सीवाईसी नेपाल लघुवित्त वित्तीय संस्थाको सेयर सूचीकरणको प्रक्रियामा रहेको हो ।
उपकार लघुवित्त वित्तीय संस्थाको आईपीओ वैशाख ९ गते शुक्रबार बाँडफाँड सम्पन्न भएको भयो । कम्पनीको आईपीओ गोलाप्रथाबाट बाँडफाँड भएको थियो ।
गोलाप्रथाबाट २२ हजार ११५ जनाले हात पारे । यीमध्ये भाग्मानी २२ हजार १०९ जनाले १०÷१० कित्ता र भाग्यमानी ६ जनाले ११÷११ कित्ताका दरले सेयर हात पारेका हुन् ।
अहिले कम्पनीको आईपीओ सूचीकरणको प्रक्रियामा रहेको छ । कम्पनीको आईपीओे पहिलो कारोबारको लागि ओपन रेञ्ज ४०३ रुपैयाँ ९१ पैसादेखि १ हजार २११ रुपैयाँ ७३ पैसा पाउने देखिएको छ ।
कम्पनीको २०७७/७८ को वास्तविक प्रतिसेयर नेटवर्थ ४०३ रुपैयाँ ९१ पैसा रहेको छ । जसको आधरामा कम्पनीको आईपीओ उक्त ओपन रेञ्ज पाउने देखिएको हो । नेपाल स्टक एक्सचेञ्ज (नेप्से) ले पहिलो कारोबारको लागि नेटवर्थको तीन गुणासम्म मूल्य रेञ्ज तोक्ने गर्दछ ।
कम्पनीले २०७८ चैत २५ गतेदेखि २९ गतेसम्म २ लाख ३६ हजार २५० कित्ता आईपीओ निष्काशन तथा बिक्री खुला थियो ।
जसमध्ये ३ हजार २८१ कित्ता कर्मचरीकोे लागि छुट्याएको, ११ हजार ८१३ कित्ता सामुहिक लगानी कोषको लागि छुट्याएको र बाँकी रहेको २ लाख २१ हजार १५६ कित्ता साधारण सेयर सर्वसाधारणको लागि निष्काशन गरेको हो ।
यता, अघिल्लो बिहीबार अर्थात बैशाख १५ गते सीवाईसी नेपाल लघुवित्त वित्तीय संस्थाको आईपीओ बाँडफाँड भईसकेको छ ।
कम्पनीको आईपीओमा मागभन्दा बढी आवेदन परेकाले गोलाप्रथा विधिबाट १० कित्ताका दरले बाँडफाँड गरिएको थियो ।
कम्पनीको आईपीओ ३६ हजार ९४८ जना सर्वसाधारणले १०/१० कित्ता सेयर हात पारेका छन् । यीमध्ये भाग्यमानी ८ जनाले थप १/१ कित्ता सेयर पाएका छन् ।
कम्पनीले ३ करोड ९५ लाख ३३ हजार ६०० रुपैयाँ बराबरको ३ लाख ९५ हजार ३३६ कित्ता आईपीओ निष्काशन गरेको हो । कम्पनीले गत वैशाख २ गतेदेखि ६ गतेसम्म उक्त आईपीओ निष्काशन गरेको थियो ।
कम्पनीले निष्काशन गरेको कुल सेयरमध्ये ६ हजार ८२ कित्ता कर्मचारीहरुका लागि र १९ हजार ७६६ कित्ता सामूहिक लगानी कोषहरुलाई सुरक्षित गरिएको छ भने बाँकी ३ लाख ६९ हजार ४८८ कित्ता सर्वसाधारणका लागि छुट्याएको थियो ।
कम्पनीको आईपीओ यति बेला सूचीकरणको प्रक्रियामा रहेको छ । कम्पनीको आईपीओ पहिलो कारोबारका लागि ३५५ रुपैयाँ ३६ पैसादेखि १ हजार ३३ रुपैयाँ ८ पैसा ओपन रेञ्ज पाउने देखिएको छ ।
कम्पनीको आर्थिक वर्ष २०७७/७८ को वास्तविक प्रतिसेयर नेटवर्थ २४४ रुपैयारुँ ३६ पैसा रहेको छ । जसका कारण कम्पनीको आईपीओले पहिलो कारोबारका लागि ३५५ रुपैयाँ ३६ पैसादेखि १ हजार ३३ रुपैयाँ ८ पैसा ओपन रेञ्ज पाउने देखिएको हो । नेपाल स्टक एक्सचेञ्ज (नेप्से)ले पहिलो कारोबारका लागि प्रतिसेयर नेटवर्थको तीन गुणासम्म ओपन रेञ्ज तोक्ने गर्दछ ।
कम्पनीको आईपीओ निष्काशन तथा बिक्री प्रबन्धकमा ग्लोबल आइएमई क्यापिटल लिमिटेड रहेको छ ।
वि.सं.२०७९ वैशाख २१ बुधवार १३:११ मा प्रकाशित