काठमाडौं । लिवर्टी ईनर्जी कम्पनीले चालु आर्थिक वर्ष २०७८/७९ को तेस्रो त्रैमासिक वित्तीय विवरण सार्वजनिक गरेको छ ।
वित्तीय विवरण अनुसार कम्पनी अझै १ करोड ९९ लाख १८ हजार रुपैयाँ नोक्सानीमा रहेको छ । कम्पनीले गत वर्षको तेस्रो त्रैमासमा ३ करोड ४२ लवाख ३२ हजार रुपैयाँ नोक्सानीमा रहेको थियो ।
कम्पनीले हालसम्म विद्युत बिक्रीबाट आम्दानी भने गरेको छैन । जसकारण संचालन नोक्सानीमै रहेको हो ।
कम्पनीको चुक्ता पुँजी १ अर्ब ५० करोड रुपैयाँ रहेको छ । कम्पनीको रिटेन्ड अर्निङ भने १७ करोड ८ लाख ४३ हजार रुपैयाँ ऋणात्मक रहेको छ ।
कम्पनीको कुल सम्पत्ति ५ अर्ब ६७ करोड रुपैयाँ भन्दा बढी रहेको छ । कम्पनीको कुल दायित्व रकम भने ४ अर्ब ३४ करोड रुपैयाँ भन्दा बढी छ ।
कम्पनीको प्रतिसेयर आम्दानी १ रुपैयाा ३३ पैसा ऋणात्मक रहेको छ भने प्रतिशेयर नेटवर्थ ८६ रुपैयाँ ६१ पैसा रहेको छ ।
वि.सं.२०७९ वैशाख २५ आइतवार १३:१२ मा प्रकाशित
