काठमाडौं । बुटवल पावर कम्पनीले चालु आर्थिक वर्ष २०७८७९ को तेस्रो त्रैमासिक वित्तीय विवरण सार्वजनिक गरेको छ ।
उक्त अवधिमा कम्पनीले २३ करोड ७५ लाख ८२ हजार रुपैयाँ नाफा गरेको छ । जुन गत वर्षको तेस्रो त्रैमासको तुलनमा ४८.२० प्रतिशतले कमी हो । गत वर्षको सोही अवधिमा कम्पनीले ४५ करोड ८५ लाख ५३ हजार रुपैयाँ नाफा गरेको थियो ।
चालु आवको नौ महिनाको अवधिमा कम्पनीको विद्युत बिक्री आम्दानी भने १६.३७ प्रतिशतले वृद्धि भई ५९ करोड ४८ लाख ३१ हजार रुपैयाा पुगेको छ । गत वर्षको तेस्रो त्रैमासमा कम्पनीको यो आम्दानी ३९ करोड ९९ लाख ८१ हजार रुपैयाँ रहेको थियो ।
उक्त अवधिमा कम्पनीको संचालन मुनाफा पनि ४९.०६ प्रतिशतले घटेर २४ करोड ६२ लाख ४० हजार रुपैयाँ कायम भएको छ ।गत वर्षको तेस्रो त्रैमासमा कम्पनीको यो मुनाफा ४८ करोड ३४ लाख ४ हजार रुपैयाँ रहेको थियो ।
कम्पनीको चुक्ता पुँजी ३ अर्ब २४ करोड ६३ लाख २७ हजार रुपैयाँ रहेको छ । कम्पनीको इक्विटी ७.३४ प्रतिशतले घटेर ३ अर्ब ७० करोड ५८ लाख २८ हजार रुपैयाँ कायम भएको छ ।
कम्पनीको प्रतिसेयर आम्दानी पनि १० रुपैयाँ ९६ पैसाले घटेर ९ रुपैयाँ ७६ पैसा कायम भएको छ भने प्रतिसेयर नेवटर्थ २१४ रुपैयाँ १५ पैसा रहेको छ ।
वि.सं.२०७९ वैशाख २७ मंगलवार ०९:०९ मा प्रकाशित