काठमाडौं । आउँदो जेठ महिनामा पनि वाणिज्य बैंकहरूले ब्याजदर नबढाउने भएका छन् ।
नेपाल बैकर्स संघसँगको सहमतिअनुसार वाणिज्य बैंकहरूले जेठ महीनामा ब्याजदर नबढाउने भएका हुन् ।
वाणिज्य बैंकहरूका प्रमुख कार्यकारी अधिकृतहरूसँगको छलफलमा बैंकर्स संघले ब्याजदर नबढाउने सहमति गरेको हो ।
वाणिज्य बैंकले ब्याजदर नबढाउने भद्र सहमति गरेसँगै विकास बैंक र फाइनान्स कम्पनीको समेत ब्याजदर नबढ्ने बताइएको छ ।
निर्वाचनको लागि खर्च बढेको र सरकारको विकास खर्चसमेत बढ्ने क्रममा रहेकोले जेठ महिनामा ब्याजदर नबढाउने निर्णय भएको संघले जनाएको छ ।
वाणिज्य बैंकले एक वर्षको मुद्दति निक्षेपमा ११.०३ प्रतिशत ब्याजदर दिनेछन् ।
वि.सं.२०७९ वैशाख २८ बुधवार १७:४२ मा प्रकाशित
