काठमाडौं । नेकपा एमालेले स्थानीय तह निर्वाचनमा सत्ता गठबन्धनले चुनाव जित्नका लागि धाँधलीको साहार लिएको आरोप लगाएको छ ।
सत्ता गठबन्धनले लोकतन्त्रको खिल्ली उडाउँदै तीन तहको निर्वाचनमा सरकारले धाँधली गरेको आरोप लगाएको हो ।
एमाले महासचिव शंखर पोखरेलले विज्ञप्ति निकाल्दै वैशाख ३० गते सम्पन्न स्थानीय तहको निर्वाचनअघि देखिनै सत्तारूढ गठबन्धनले आफूअनुकूल प्रहरी प्रशासनमा सरुवा गर्नेदेखि आफ्ना कार्यकर्ताको हत्या गर्न लगाएकोसमेत आरोप लगाएको छ ।
एमालेले निर्वाचनमा गृह प्रशासन गठवन्धनको पक्षमा र एमालेको विपक्षमा परिचालित भएको र मतगणनाको सयममासमेत गठबन्धनले योजनाबद्ध धाँधली गरेको एमालेको आरोप छ ।
निर्वाचन शुरु हुनुअघि, मतदानको समयमा र मतगणनाको समयमा गठबन्धनले नाङ्गो नाच देखाएको एमालेको आरोप छ ।
वि.सं.२०७९ जेठ १ आइतवार २०:५९ मा प्रकाशित