काठमाडौं । नेपाल प्रहरी प्रधान कार्यालय केन्द्रीय अनुसन्धान ब्यूरो (सीआईवी)ले बैंकिङ्ग कसूर मुद्दामा फरार व्यक्तिलाई पक्राउ गरेको छ ।
प्रहरीले गोरखा जिल्ला सिरानचोक गा.पा. वडा नं. ४ घर भई हाल काठमाडौं जिल्ला का.म.न.पा. वडा नं. ३ बस्ने बर्ष ३७ का प्रकाश रेग्मीलाई बैंकिङ्ग कसूर मुद्दामा प्रक्राउ गरेको हो ।
रेग्मीले २०७७ कार्तिक १० मा मुक्तिनाथ बिकास वैंक लिमिटेड महाराजगंज शाखामा रहेको आफ्नो खाताबाट रकम भुक्तान हुन भनि पर्याप्त मौज्दात रकम नभएको भन्ने जानी जानी झुक्यानमा पारी चेक काटेर दिएका थिए ।
उनलाई चेकको रकम भुक्तान हुन नसकेको ठहर गर्दै उच्च अदालत पाटनले २०७८ चैत २२ गते बैंकिङ्ग कसूर तथा सजाय ऐन २०६४ बमोजिम १ दिन कैद र ९ लाख रुपैयाँ जरिवाना हुने फैसला गरेको थियो ।
उनलाई जेठ ५ गते बुढानिलकण्ठ काठमाडौंबाट पक्राउ गरि फैसला कार्यान्वयनका लागि जिल्ला अदालत ललितपुर पेश गरिएको प्रहरीले जनाएको छ ।
वि.सं.२०७९ जेठ ५ बिहीवार १२:५९ मा प्रकाशित
