काठमाडौं । साताको पहिलो कारोबार दिन सेयर बजारमा दोहारो अंकको गिरावट आएको छ । सोमबार बजार ३४.२१ अंकले घटेको छ ।
उक्त दिन बजार परिसुचक २२००.८८ अंकको बिन्दुमा पुगेर बन्द भएको छ । आज सबै समूहहरु राताम्मे बनेका छन् ।
उक्त दिन १ अर्ब ३६ करोड ९५ लाख १३ हजार रुपैयाँ बराबरको ३९ लाख १७ हजार ६५५ कित्ता सेयर खरिदबिक्री भएको छ ।
उक्त दिन नबिल बैंकको सर्वाधिक सेयर कारोबार भएको छ । आज बैंकको ४ करोड १५ लाख ९ हजार रुपैयाँ बराबरको सेयर कारोबार भएको हो ।
कारोबार रकमकै आधारमा दोस्रो स्थानमा रहेको अरुण भ्याली हाइड्रोपावरको ३ करोड ८७ लाख २७ हजार रुपैयाँ बराबरको सेयर कारोबार भएको छ ।
वि.सं.२०७९ जेठ ९ सोमवार १५:११ मा प्रकाशित
