काठमाडौं । चालु आर्थिक वर्ष २०७८/७९ को १० महिनाको अवधिमा साढे २९ अर्ब बढीको सुन नेपाल भित्रिएको छ ।
चालु आवको बैशाख मसान्तसम्ममा २९ अर्ब ७० करोड १० लाख ४९ हजार रुपैयाँ बराबरको सुन आयात भएको हो ।
भन्सार विभागले हालै सार्वजनिक गरेको तथ्याङ्क अनुसार विश्वका दुई मुलुकबाट नेपालमा ४ हजार २४८ केजी बढी सुन आयात भएको छ ।
नेपालमा युनाईटेड अरब इमिरटे (यूएई) र टर्कीबाट सुन आयत हुने गरेको छ । सुन आयातबाट सरकारले ३ अर्ब ६१ करोड १२ लाख ३० हजार रुपैयाँ राजश्व प्राप्त गरेको छ ।
चालु आवको १० महिनामा यूएईबाट २३ अर्ब ७७ लाख २२ लाख ९९ हजार रुपैयाँ बराबरको सुन आयात भएको छ । उक्त देशबाट ३ हजार ३८७ केजी सुन आयात भएको हो ।
यस्तै, चालु आवको वैशाख मसान्तसम्ममा टर्कीबाट भने ५ अर्ब ९२ करोड ८७ लाख ५० हजार रुपैयाँ बराबरको ८६१ केजी बढी सुन आयात भएको छ ।
वि.सं.२०७९ जेठ १२ बिहीवार १६:२३ मा प्रकाशित
