काठमाडौं । थप दुई कम्पनीको हकप्रद सेयर आउने भएको छ । हकप्रद सेयर निष्काशनका लागि दुई नेपाल धितोपत्र बोर्डमा निवेदन पेश गरेका छन् ।
हकप्रद सेयर निष्काशनका लागि ङादी ग्रुप पावर र बरुण हाइड्रोपावर कम्पनीले बोर्डमा निवेदन दिएका हुन् ।
१ः१.५ को अनुपातमा हकप्रद सेयर निष्काशनका लागि ङादी ग्रुप पावरले बोर्डमा निवेदन दिएको छ । कम्पनीले हाल कायम रहेको चुक्ता पुँजीको १५० प्रतिशत अर्थात १०० रुपैयाँ अंकित दरका १ करोड ६ लाख ३ हजार ९६ कित्ता हकप्रद सेयर निष्काशनका लागि बोर्डमा निवेदन दिएको छ ।
कम्पनीले उक्त सेयर जारी गर्न जेठ ९ गते बोर्डमा निवेदन दिएको हो । कम्पनीको बिक्री प्रबन्धकमा सिद्धार्थ क्यापिटल लिमिटेड रहेको छ ।
यस्तै, बरुण हाइड्रोपावर कम्पनीले शत प्रतिशत अर्थात १ः१ अनुपातमा हकप्रद सेयर निष्काशन गर्नका लागि बोर्डमा निवेदन दिएको छ ।
कम्पनीले प्रतिसेयर १ सय रुपैयाँ अंकित दरका २६ लाख ७९ हजार ७५ कित्ता हकप्रद सेयर निष्काशन गर्न जेठ ११ गते बोर्डमा निवेदन दिएको हो ।
कम्पनीको बिक्री प्रबन्धकमा आरविवि मर्चेण्ट बैंकिङ्ग लिमिटेड रहेको छ ।
वि.सं.२०७९ जेठ १३ शुक्रवार १५:०५ मा प्रकाशित
