काठमाडौं । आज अर्थात आइतबार सरकारले आगामी आर्थिक वर्ष २०७९/८० को बजेट प्रस्तुत गर्ने भएको छ ।
आइतबार दिउँसो ४ बजे बटेज प्रस्तुत हुने भएको हो । सरकारले संविधानको धारा ११९ बमोजिम अर्थमन्त्री जनार्दन शर्माद्वारा आगामी आवको राजश्व र व्ययको वार्षिक अनुमान प्रस्तुत हुनेछ ।
आज राजस्व र व्ययको वार्षिक अनुमान सङ्घीय संसद्को दुवै सदनको संयुक्त बैठकमा पेश गर्ने कार्यक्रम रहेको छ ।
यसैविच आगामी आर्थिक वर्ष २०७९/८० को बजेटमार्फत सरकारी कर्मचारीको तलब बढाउने तयारी भइरहेको छ ।
कर्मचारीहरुको तलब दुई हजार रुपियाँ नघट्ने गरी तलब बढाउने तयारी छ । पछिल्लो समय महँगी निकै बढेको र यसअघि पनि कर्मचारीका लागि पर्याप्त तलब नबढेका कारण मन्त्रालयले कर्मचारीको तलब बढाउन लागेको हो ।
वि.सं.२०७९ जेठ १५ आइतवार १३:५१ मा प्रकाशित
