काठमाडौं । एभरेष्ट इन्स्योरेन्सले मर्जर प्रस्ताव पारित गर्न विषेश साधारण सभा बोलाएको छ । कम्पनी सञ्चालक समितिको जेष्ठ १५ गते अपरान्ह ४ बजे सम्पन्न बैठकले विषेश साधारण सभा बोलाउने निर्णय गरेको हो ।
कम्पनीले असार २ गते विहान ११ बजे, एयरपोर्ट होटल, एयरपोर्ट काठमाडौंमा विषेश साधारण सभा बोलाएको छ ।
उक्त साधारण सभाले हिमालयन जनरल इन्स्योरेन्ससँग मर्जरमा जाने प्रस्ताव पारित गर्नेछ ।
हिमालयन जनरल इन्स्योरेन्स र एभरेष्ट इन्स्योरेन्सबीच बैशाख २२ गते बिहीबार एक आपसमा मर्जर गर्ने सम्बन्धी समझदारी पत्रमा हस्ताक्षर भएको थियो ।
मर्जर प्रयोजनको लागि दुबै कम्पनीले शेयर कारोबार रोक्न निवेदन आएपछि बैशाख २५ गते देखि दुबै कम्पनीको शेयर कारोबार रोक्का रहेको छ ।
वि.सं.२०७९ जेठ १६ सोमवार १३:१४ मा प्रकाशित
