काठमाडौं । यातायात व्यवस्था विभागले सवारी चालक अनुमति पत्रको नयाँ आवेदन प्रणाली आज साँझदेखि सुरु गर्दैछ । विभागले आज जेठ १६ गते सोमबार बेलुका ६ बजेदेखि सवारी चालक अनुमति पत्रको नयाँ आवेदन प्रणाली सुरु गर्न लागेको हो ।
‘सवारीचालक अनुमति पत्रका लागि हालसम्म परेका अनलाइन आवेदनहरु आजदेखि रद्द गरि जेठ १६ गेत बेलुका ६ बजेदेखि नयाँ लाइसेन्स आवेदन प्रणाली सुरु हुने भएको छ ।
सवारी चालक अनुमति पत्र प्राप्त गर्नका लागि विभागले उपलब्ध गराएको वेवसाईट applydi.dotm.gov.np मा गई लगइन गरी नयाँ आवेदन फर्म भर्न सकिनेछ । साथै वर्ग थप गराउन चाहाने सेवाग्राहीका लागि आवेदन अर्को हप्ता सोमबारबाट मात्रै खुला गरिने विभागले जनाएको छ ।
वि.सं.२०७९ जेठ १६ सोमवार १३:२७ मा प्रकाशित
