काठमाडौं । वाणिज्य बैंकहरुले १३ अर्ब बढी रुपैयाँ निक्षेप संकलन गरेका हुन् ।
जेठ लागेपछि हालसम्म बैंकहरुले जेष्ठ १३ गतेसम्म १३ अर्ब रुपैयाँ बढेर ४३ खर्ब ८३ अर्ब रुपैयाँ संकलन गरेका हुन् ।
गत बैशाख ३० गतेसम्ममा भने बैंकहरुले ४३ खर्ब ७० अर्ब रुपैयाँ निक्षेप संकलन गरेका थिए । पछिल्लो एक सातामा भने वाणिज्य बैंकहरुले ६ अर्ब रुपैयाँ निक्षेप संकलन गरेका छन् ।
नेपाल बैंकर्स संघका अनुसार बैंकहरुले जेठ ६ गतेसम्म ४३ खर्ब ७७ अर्ब रुपैयाँ निक्षेप संकलन गरेका थिए ।
यस्तै, जेठ महिना लागेदखि हालसम्म बैंकहरुले ६ अर्ब रुपैयाँ कर्जा प्रवाह गरेका छन् । बैंकहरुले १३ दिनको अवधिमा ६ अर्ब रुपैयाँ बढाएर जेठ १३ गतेसम्म ४१ खर्ब ९८ अर्ब रुपैयाँ वितरण गरेका हुन् । यसअघि बैशाख मसान्तसम्ममा ४१ खर्ब ९१ अर्ब रुपैयाँ कर्जा प्रवाह गरेका थिए ।
एक साताको अवधिमा भने बैंकहरुले ४ अर्ब रुपैयाँ कर्जा प्रवाह गरेका छन् । बैंकर्स संघका अनुसार सीडी रेसियो ९०.४१ प्रतिशत रहेको छ ।
वि.सं.२०७९ जेठ १७ मंगलवार १५:३४ मा प्रकाशित