काठमाडौं । नेपाल इन्भेष्टमेन्ट बैंकको सेयर मूल्यमा आज पनि उच्च गिरावट आएको छ । कारोबार फुकुवा भएको दोस्रो दिन बैंकको सेयर मूल्य ९.९८ प्रतिशतले घटेको हो ।
उक्त दिन बैंकको सेयर मूल्य प्रतिकित्ता ३६ रुपैयाँ ७० पैसाले घटेको हो । योसंगै बैंकको सेयर मूल्य ३३१ रुपैयाँ कायम भएको छ ।
नेपाल स्टक एक्सचेञ्ज (नेप्से)का अनुसार आज बैंकको ४१ लाख ६० हजार रुपैयाँ बराबरको १२ हजार ६६६ कित्ता सेयर किनबेच भएको छ ।
सोमबार बैंकको धितोपत्र कारोबार फुकुवा गरेको हो । कम्पनीको सेयरमूल्य प्रतिकित्ता ४०५ रुपैयाँमा खुला भएको थियो ।
बैंक र हिमालयन बैंक एक आपसमा मर्जरमा जाने सम्झौता गरेसँगै सेयर कारोबार रोक्का भएको थियो ।
वि.सं.२०७९ जेठ १७ मंगलवार १५:४७ मा प्रकाशित
