काठमाडौं । जेठ ७ गते शनिबार नबिल बैंकको विशेष साधारण सभा सम्पन्न भएको छ ।
बैंकले विशेष साधारण सभाको काम कारवाही/निर्णय विवरण (माईन्युट) शुक्रबार नेपाल स्टक एक्सचेञ्ज (नेप्से) पेश गरेको हो ।
बैंकको विशेष साधारण सभाले नेपाल बङ्गलादेश बैंकलाई एक्विजेशन (प्राप्ती) गर्ने सम्बन्धी प्रस्ताव पारित गरेको छ ।
नेपाल बङ्गलादेश बैंकको सम्पत्ति र दायित्वको मूल्यांकन प्रतिवेदन तथा अन्य सम्वद्ध व्यवस्थाको आधारमा निर्धारण गरिएको सेयर मुल्य अनुपात १००ः४३ लाई सभाले स्वीकृति प्रदान गरेको हो ।
नेपाल बंगलादेश बैंकका सेयरधनीहरूले आफ्नो १०० कित्ता सेयर बराबर नबिल बैंकको ४३ कित्ता सेयर प्राप्त गर्नेछन् ।
२०७८ चैत्र मसान्तको वित्तीय विवरण अनुसार नेपाल बङ्गलादेश बैंकलाई प्राप्ति गरेपश्चात नबिल बैंकको चुक्ता पूँजी २२ अर्ब ८३ करोड २९ लाख ८ हजार रुपैयाँ पुग्नेछ भने कर्जा रकम ३०९ अर्ब र निक्षेप रकम ३२० अर्ब रुपैयाँ पुग्नेछ ।
यस्तो विशेष साधारण सभाको माईन्युट
वि.सं.२०७९ जेठ २० शुक्रवार १२:३५ मा प्रकाशित