काठमाडौं । पेट्रोलियम पदार्थको मूल्य घटेसँगै सार्वजनिक यातायातको भाडादर पनि घटेको छ।
यातायात व्यवस्था विभागले अन्तरप्रदेश चल्ने सार्वजनिक सवारीसाधनको भाडादर घटाएको हो।
नेपाल आयल निगमले पेट्रोलिम पदार्थको मूल्य लिटरमा १० रुपैयाँका दरले घटाएसँगै विभागले आज जेठ २० गतेदेखि लागू हुने गरी दुई वा सोभन्दा बढी प्रदेश भई (राष्ट्रियस्तरका रुटमा) सञ्चालन हुने सार्वजनिक यातायातको भाडादर स्वचालित प्रणालीबमोजिम समायोजन गरेको हो।
विभागका अनुसार यात्रुवाहक सवारीमा भाडादर २ प्रतिशतले घटेको छ। त्यस्तै पहाडी बाटोमा चल्ने मालवाहक सवारीमा २.६ प्रतिशत र तराईको बाटोमा चल्ने मालवाहक सवारीमा २.९ प्रतिशतले भाडा घटाइएको छ।
यस्तो छ सार्वजनिक सवारीसाधनको नयाँ भाडादर
वि.सं.२०७९ जेठ २० शुक्रवार १३:०० मा प्रकाशित
