काठमाडौं । हिमालयन हाइड्रोपावरको आईपीओमा आवेदन दिने आज अन्तिम मौका रहेको छ ।
कम्पनीले वैशाख २५ गतेदेखि निष्काशन गरेको आईपीओमा आवेदन दिने आज अर्थात जेठ २३ गते अन्तिम मौका रहेको छ ।
कम्पनीले यसअघि छिटोमा जेठ ८ गतेसम्म आवेदन दिन सकिने व्यवस्था गरेको थियो । उक्त अवधिमा माग बमोजिम आवेदन नपरेकाले फेरि जेठ १६ गतेसम्म र त्यसपछि जेठ २३ गतेसम्म आवेदन दिने सकिने व्यवस्था गरेको थियो ।
कम्पनीले आयोजना प्रभावित क्षेत्रका वासिन्दाहरुका लागि विद्यमान जारी पुँजी १ अर्ब ९ करोड ५० लाख रुपैयाँको ८.२२ प्रतिशत सेयर निष्काशन गरेको हो ।
कम्पनीले ९ करोड रुपैयाँ बराबरको प्रतिसेयर १०० अंकित मूल्यका ९ लाख कित्ता साधारण सेयर निष्काशन गरेको हो ।
कम्पनीले आयोजना प्रभावित क्षेत्र अर्थात कास्की जिल्लाको मादी गाउँपालिका वडा नं. १, २, ३, ४, ६ र ७ का स्थानिय बासिन्दाहरुका लागि आईपीओ निष्काशन गरेको हो ।
आवेदकले न्यूनतम १० कित्ता र अधिकतममा १ लाख कित्ताका लागि आवेदन दिन सक्नेछन् ।
कम्पनीको आईपीओ निष्काशन तथा बिक्री प्रबन्धक ग्लोबल आइएमई क्यापिटल रहेको छ ।
वि.सं.२०७९ जेठ २३ सोमवार ११:४३ मा प्रकाशित
