काठमाडौं । यातायात व्यवस्था विभागले साउन १ गते बिहानबाट सडकमा गुड्ने सबै सवारी साधनमा इम्बोस्ड नम्बर प्लेट जडान गर्नुपर्ने आशय नरहेको बताएको छ ।
मंगलबार विज्ञप्ति जारी गर्दै विभागले साउन १ गतेदेखि सडकमा गुड्ने सवारीमा इम्बोस्ड नम्बर अनिवार्य नरहको र त्यसबाट पर्न गएको दुविधा र उत्पन्न भएको असुविधाप्रति विभागले क्षमायाचना गरेको छ ।
यसअघिको सूचनामा साउन १ गतेबाट सडकमा कुद्ने सम्पूर्ण सवारीसाधनमा अनिवार्य रुपमा इम्बोस्ड नम्बर प्लेट जडान गर्नुनपर्ने भनेको थियो ।
विज्ञप्तिमा भनिएको छ,– ‘विभागले २०७८ कात्तिक २२ गतेको राजपत्रमा प्रकाशित सूचना बमोजिम ती सवारीहरुको मात्र अनुगमन हुनेछ । ज–जसले इम्बोस्ड नम्बर अनिवार्य रुपमा जडान गर्नुपर्ने थियो इम्बोस्ड नम्बर प्लेट जडान ऐच्छिक विषय पनि होइन, सिमित समयमा कार्य पुरा गर्नका लागि आगामी दिनमा यो कार्यको गति तीब्र हुन जरुरी छ । सडकमा गुड्ने सबै सवारीमा साउन १ देखि नै इम्बोस्ड नम्बर अनिवार्य छैन ।’
यस्तो छ विज्ञप्ति
वि.सं.२०७९ जेठ २४ मंगलवार १७:०८ मा प्रकाशित