काठमाडौ । जेठ महिनाको तेस्रो सातामा वाणिज्य बैंकहरुमा ७ अर्ब रुपैयाँ निक्षेप थपिएको छ ।
उक्त अवधिमा बैंकहरुमा निक्षेप थपिए पनि कर्जा भने घटेको छ । जेठ तेस्रो सातामा कर्जा भने २ अर्बले घटेको हो ।
नेपाल बैंकर्स संघका अनुसार जेठ महिनामा मात्र बैंकहरुको २० अर्ब रुपैयाँ निक्षेप थपिएको हो । सरकारले बैशाख ३० गते सम्पन्न गरेको स्थानिय तहको निर्वाचनपछि बैंकिङ प्रणालीमा निक्षेप थपिन थालेको हो ।
जेठ २० गतेसम्ममा बैंकहरुको औसत कर्जा निक्षेप अनुपात ९०.३२ प्रतिशत रहेको संघले जनाएको छ ।
केन्द्रीय बैंकका अनुसार जेठ १६ गते सोमबार समग्र बैंकिङ्ग क्षेत्रको औषत कर्जा निक्षेप अनुपात ९०.११ प्रतिशतमा झरेको थियो ।
राष्ट्र बैंकका अनुसार चालु आर्थिक वर्षको असारसम्ममा बैंकहरुको कर्जा निक्षेप अनुपात ९० प्रतिशतमा झारिसक्नुपर्ने व्यवस्था रहेको छ ।
वि.सं.२०७९ जेठ २५ बुधवार ०८:२० मा प्रकाशित
