काठमाडौं । सरकारले पेट्रोलियम पदार्थको मूल्य फेरि बढाएको छ ।
नयाँ मूल्य अनुसार पेट्रोलमा लिटरको ८ रुपैयाँ तथा मट्टितेल र डिजेलमा १२ रुपैयाँ मूल्य बढेको नेपाल आयल निगमले जनाएको छ ।
अब पेट्रोलको प्रतिलिटर १७८ रुपैयाँ, मट्टितेल र डिजेलको १६५ रुपैयाँ पुगेको छ ।एलपी ग्यास तथा हवाई इन्धनको मूल्य भने यथावत राखिएको छ ।
मूल्य समायोजनपछि पनि पेट्रोलमा २४ रुपैयाँ ७० पैसा तथा डिजेलमा १८ रुपैयाँ ०१ पैसा घाटा रहेको निगमले बताएको छ । निगमका अनुसार मट्टितेलमा भने प्रतिलिटर १७ रुपैयाँ ०१ पैसा नाफा रहेको छ।
वि.सं.२०७९ जेठ २७ शुक्रवार ०८:५८ मा प्रकाशित
