काठमाडौं । आज अर्थात जेठ २७ गते दुई कम्पनीको वार्षिक साधारण सभा हुने भएको छ ।
उक्त विभिन्न एजेण्डासहित गोर्खाज फाइनान्स र नेपाल मेटल कम्पनीले वार्षिक साधारण सभा गर्न लागेका हुन् ।
आज गोर्खाज फाइनान्सले २७औं वार्षिक साधारण सभा बोलाएको छ ।
सभाले गत आर्थिक वर्ष २०७७/७८ सम्मको वार्षिक प्रतिवेदन सहितका वित्तीय विवरणहरु पारित गर्नुका साथै चालू आर्थिक वर्षको लागि लेखापरीक्षक नियुक्ती र निजको पारिश्रमिक निर्धारण गर्नेछ ।
साथै, सञ्चालक समितिमा रित्त हुन गएको संस्थापक सेयरधनीहरुको तर्फबाट १ जना र सर्वसाधारण सेयरधनीहरुको तर्फबाट १ सञ्चालक बाँकी कार्यकालका लागि नियुक्ती गरिएको विषयलाई पनि सभामार्फत स्वीकृति प्रदान गरिनेछ ।
सञ्चालक समितिले नियुक्त गरेको स्वतन्त्र सञ्चालकको जानकारी समेत सभामा गराउने कार्यक्रम समेत कम्पनीले तय गरेको छ ।
साधारण सभा प्रयोजनका लागि जेठ १२ गतेदेखि २७ गतेसम्म बुक क्लोज गर्ने निर्णय कम्पनीले गरेको छ ।
यस्तै, आज नेपाल मेटल कम्पनीको वार्षिक साधारण सभा गर्ने भएको छ ।
सभाको प्रस्तावमा सभाको माइन्युट बुकमा दस्तखत गर्न सञ्चालक समितिबाट १ जना र शेयरधनीबाट जना प्रतिनिधि मनोनयन गर्ने, नियमनकारी निकायबाट दिइएका निर्देशनको सम्बन्धमा निर्णय गर्न सञ्चालक समितिलाई अधिकार प्रत्यायोजन गर्ने रहेको छ ।
सभाले आव २०७५/७६ देखि २०७७/७८ को वार्षिक प्रतिवेदन छलफल गरी पारित गर्नेछ ।
यसका साथै २०७८/७९ को लागि लेखापरीक्षकको नियुक्ति र निजको पारीश्रमिक निर्धारण गर्ने प्रस्ताव पनि पारित गर्नेछ ।
वि.सं.२०७९ जेठ २७ शुक्रवार १२:३३ मा प्रकाशित